法國醫院5日4夜生B CAMP - DAY 5

3/7

今日終於出院了,
轉個眼, 5日4夜既生女CAMP, 咁快就完結喇.

HACHI 爸原來尋日清潔屋企, 拖地洗冷氣隔塵網, 又換左空氣清新機既隔塵網,
就係為左準備小CHI 返屋企.
餵完8點果餐奶, 11點45 唔使再去, 因為姑娘會幫手餵少少俾HACHI 食,
然後就可以出院帶HACHI 走.



出院前, 黃醫生黎過一次, 佢睇過個傷口, 話OK,
所以可以順利今日出院.
之後到兒科楊醫生黎,
佢話HACHI 一切正常,
不過做聽力測試果時, 一邊耳仔PASS, 另一邊唔PASS
當然醫生話有好多唔同既可能性.
但係我聽到佢話一邊唔PASS 果時, 真係當場流晒眼淚.
我第一次覺得自己有天生既母性,
因為會擔心自己既小朋友.

聽報告果時, HACHI 爸未到醫院, 我即刻打俾HACHI 爸,
當然一邊講一邊喊, HACHI 即刻飛的黎醫院安慰我.
一個月後可以返去法國醫院再做一次,
或者可以去政府健康院做一次,
希望到時PASS 喇.

唔知係咪私家醫院擔心產婦會走數,
所以要俾完錢, 埋晒單, 先可以拎BB 走,
我去到會計部俾錢果時, 嘩, 排隊既人多到呢... 有D 誇張!!
搞惦晒所有野, 返去餵奶房接HACHI 走...



5日4夜CAMP 正式結束,
回家大作戰!!