法國醫院5日4夜生B CAMP - DAY 2

38W4D

30/6

尋晚成晚都訓唔到,
腦海內太多野要諗, 有時又諗起HACHI, 有時又諗起老公,
有時又諗起今朝個手術, 由2點幾到6點幾都訓唔到,
期間上FACEBOOK 同埋INSTAGRAM
見到依班好有心既年輕人,
佢地每人送一個心俾我.
我唔知邊個發起,
亦唔知點解佢地會記得我係6月30日生BB,
謝謝佢地...
我同佢地相識左至少三年, 甚至有D 識左6年,
我見到佢地既心意, 真係好感動...

 

眼光光, 到六點幾, 姑娘入黎量血壓
然後就差不多要準備去開刀.

首先要除晒所有衫, 換手術袍, 然後係床上等姑娘推入手術室.
由於我係7點半開刀, 所以7點之前已經要準備好所有既野.
因為未到探病時間, 所以我見到HACHI 爸,
我不停問姑娘, HACHI 爸係邊, 佢地安慰我, 話我老公係大堂等緊.

由產後病房推去手術室, 途中見到HACHI 爸,
HACHI 爸陪我到手法室門口,
其實我好驚, 我驚到個人不停咁震.
點解咁驚?
可能我怕開刀卦, 我怕有意外!

係手術室, 姑娘同我對左少少資料, 然後等左一陣,
就推左入一間房.
房內有麻醉科郭醫生.
首先係右手插喉, (嘩, 都真係有D 痛)
然後就係背脊打麻醉針.
我覺得最得人驚係依一PART,
因為根本睇唔到, 唔知道佢幾時打針.
加上黃醫生又未入到黎, 佢地要等埋黃醫生先打針,
係等待果一段時間, 我成個人都震晒.
加上HACHI 爸又未入得黎, 我就係度乾等.

終於到打麻醉針, 打完之後, 本來無乜特別既感覺,
但係突然間雙腳好脾,
係依個時候, 又話要插尿喉, 我又好驚,
驚仲未麻醉到, 會痛, 所以我不停地郁, 但係又郁唔到.
最後, 原來唔痛地插到尿喉 (仲要俾醫生笑)
係依個時候, HACHI 爸終於可以入黎陪我,
我成個人都定晒...

我問黃醫生, 要等幾耐會見到HACHI
佢答我「由而家開始計, 3分鐘」
嘩, 我估都估唔到, 原來有咁快.

果然3分鐘都唔使, 郭醫生係我肚頂度推左一下,
HACHI 就不停咁大喊.
黃醫生話, HACHI 都未離開我個肚, 就已經係咁喊喇...
嘻嘻....
然後醫生抱HACHI 埋黎俾我地睇, 同埋幫我地影相.
HACHI 好似爸爸,
本來不停喊, 但係影相果時就收晒聲
醫生將佢放係我頭隔離, 原來HACHI 係咁細粒.

有好多人話, BB 出世果刻好感動, 好想喊

但係我反而無, 

我見到HACHI 果刻, 好開心, 好開心, 

我同HACHI 爸爸講, 「我地隻HACHI 出左黎喇」

我不停地笑, 我覺得自己比想像中更開心同埋興奮. 

影完相之後, HACHI 爸爸陪我多一陣就要出去, 

整個手術大約前後45分鐘就完成. 

然後我就被推番上去病房. 

可能尋晚無訓既關係, 我開始眼訓, 

訓左一陣, 見到HACHI 爸係我隔離, 我好感動. 

HACHI 爸爸都好倦, 所以我同佢講, 不如佢返屋企抖下, 然後夜少少先再黎

之後全日我就半睡半醒. 

期間, 有兩批同事黎探我, 

爸爸媽媽阿哥阿嫂又有黎探我, 

佢地個個都可以見到HACHI, 

但係我仲未落得床, 所以仲未見得小痴. 

手術後, 醫生話要等一日, 同埋等放左屁, 先可以食固體既食物, 

所以夜晚我只能夠食粥水, 

其實我都唔算肚餓, 所以食粥水都OK, 

只係我飲水太少, 所以排尿太黃, 俾姑娘叮囑我要食多D 水. 

夜晚八點左右, 本來HACHI 爸爸會去親子時間, 

但係姑娘話, 親子時間, 係要父母同去, 

所以.... HACHI 爸爸失望而回

其實我都好想見HACHI, 不過我等, 希望可以聽日去餵奶果時見到小痴. 

正當我地兩個吹緊水果時, 

突然有姑娘推HACHI 入病房. 

唔知係咪知道我手術後落唔到床, 

又未見過小痴, 

所以專登推入黎俾我地睇. 

見到小痴, 眼仔碌碌, 我都好開心... 

好彩HACHI 爸未走, 如果唔係佢會MISS 左依個MOMENT

晚上10點, HACHI 爸要走, 我就好好係醫院再訓一晚.

法國醫院5日4夜生B CAMP - DAY 1

38W3D

等了38WEEKS, HACHI 終於要出世.

29/6
本來諗住夜晚食餐好既, 因為開完刀會食唔到野,
同埋坐月會無啖好食, 所以諗住搵好野食.
點知, HACHI 爸爸話唔肚餓,
我突然間好想食麥記,
所以就去左食雙層芝士漢堡餐喇.

HAHA, 生女之前去食麥記, 真係搞笑.

夜晚8點幾, 坐的士去到法國醫院,  上3樓辦入院手續,
估唔到原來有好多FORM 要填,
本來諗住係我填FORM (HACHI 爸爸最唔鍾意填FORM)
點知姑娘話, 俾爸爸做, 因為媽媽仲多野要搞.

我幫HACHI 決定左係法國醫院做「聽力測試」同埋「新生嬰兒代謝篩查」,
前者俾$800左右, 後者就俾$1XXX,
其實本來健康院都有得做,
不過唔想出世之後, 成日拎HACHI 去健康院咁多次,
所以都係決定係醫院做.

之前都聽聞過有「親子時間」,
即係有15分鐘, 俾爸爸媽媽去一間房同BB 相處一下
對於我黎講, 其實唔係意義重大, 因為我相信我餵奶都見到佢 ,
但係對HACHI 爸黎講, 就好大意義,
因為HACHI 爸係依5日4日係無得惦HACHI 的,
所以, 係要俾$60, 但係都照俾.

至於醫院, 係有固定既餵奶時間, 大約每4個鐘一次,
亦有唔同既TIMESLOT 探BB,
姑娘話, 最好GROUP 埋一堆人一齊睇,
無謂BB 要推出推入幾次.

我一直都想人講可以REQUEST 訓窗口位既床, 

但係原來係要每日俾多$50, 

私家醫院真係樣樣計到足, 

不過HACHI 爸話, 照俾, 因為佢覺得我訓窗口位既床會開心D , 

的確又係既, 所以我就揀左窗口位. 

所有文件搞惦晒, 就俾姑娘帶左入房仔, 

要量血壓, 聽HACHI 心跳, 同埋要悌毛毛, 

俾埋訂金, 就正式上房, 326A

起初我仲以為好正, 因為成間房都無人, 我以為可以住到私家房, 

但過左10分鐘之後, 就有另一位媽媽入左黎, 

唔緊要, 就算訓滿3個人, 都無咩所謂, 

其實都唔算太嘈.

其實法國醫院包既基本野都OK, 

個人清潔用品足夠, 仲有床墊, 產婦M巾, 網褲都足夠

好彩, 無買多左無謂既野.

搞惦晒所有既野, 都已經差不多10點左右
探病時間已經過左, HACHI 爸爸要返屋企.
(出面落好大雨, 幸好住得夠近)
一個人係醫院, 我以為會訓得好, 原來都唔係,
我仲諗起上次係聯合無左細B 果時既情景,
又擔心聽日既開刀手術,
一直都訓唔到.

又期待, 同時又擔心.....

WEEK 38 - 平平安安

Week 38 Development is complete



Your baby's the size of a pumpkin!

• Baby is about 20 inches (51 cm) and weighs about 7.5 pounds (3.4 kilograms).
• The soft down, which covered the body throughout the pregnancy, is now disappearing.
• The body fat is continuing to build up, baby putting on about 1oz (28 grams) a day.
• The wrinkled skin is becoming 'baby' smooth.
• The baby may have reached its final birth position.
• Most babies are born head first with only about 3 percent coming out feet first.
• About one in eight births are caesarean.

http://www.baby2see.com/development/week38.html

WEEK 37 - 密密洗HACHI 衫

Week 37 Pregnancy is considered 'at term'



Your baby's the size of a winter melon!

• Typically, baby now measures 19.5 inches (50 cm) from the head to the heel.
• Baby weighs up to 7 pounds or 3 kilograms. 
• The head diameter is over 3.5 inches (9cm). 
• The water could break at any time. 
• If it does happen, see a doctor immediately.

http://www.baby2see.com/development/week37.html

第九次私家產檢(WEEK 37) - 未夠7磅

37W4D

黃醫生終於放完假返黎喇.
自從6月11 日開始, 我就擔心到尋晚,
擔心HACHI 無喇喇走出黎, 但係黃醫生未返,
而家黃醫生返黎就好喇.

今日去照HACHI, 比上次更正常,
頭只係大左1 WEEK, 肚就JUST FIT, 腳仔就短左1WEEK
哈哈, HACHI 爸爸話, HACHI 似我, 一樣都係腳短,
陰公BB, 腳短TIM~~~

HACHI 未算好低, 按道理唔會早出世,
而胎水就多少少, 但係又未到好多危險果隻.
不過, 醫生話而家只係6.9磅, 佢叫我今個星期食多D 野,
希望下星期出世就可以有7磅喇.

我要食多D,
HACHI, 你都要吸收多D 呀!!!!

HACHI, 我地下星期一見面喇.

WEEK 36 - 產假第一週

Week 36 Baby may drop into the birth canal



Your baby's the size of a honeydew!

• The baby is about 19 inches (48 cm) long. 
• Weight is around 6 pounds (2.7 kg). 
• The baby's body is becoming chubby as fat layers build. 
• Between now and birth they may gain about an ounce (30g) a day 
• You may feel contractions of the womb, called Braxton Hicks contractions

http://www.baby2see.com/development/week36.html

第九次政府產檢(WEEK 36) ﹣ B鏈檢查

36W1D

平時我係約10點半先去健康院，
因為今次要見醫生，姑娘話一定要9點半，所以就要早D
加上今日係我放產期前既LAST WORKING DAY，
一切，都覺得好趕。

去到健康院，好快就見到醫生。
由醫生去摸肚，聽心跳，
之後就做B鏈。
先用綿花棒係陰道拎少少分泌，再係江門拎少少分泌，
醫生好強調係唔痛，
但係，其實我係覺得有少少痛既。

見完醫生，等左一陣，姑娘就俾左一份DOC 俾我，
佢話如果我生得既話，就帶埋果份野去聯合產房。
突然覺得，一切都好快。
有左HACHI，去過聯合做CHECKING，
之後又落左健康院，
而家開始放產假，
過兩個星期就見到HACHI 喇，好快，有D 驚張TIM～～

希望一切順利！！
HACHI 加油，媽媽會鍚晒你架～

「678月馬媽媽谷」﹣ IRENE 家「養生家宴」

36W0D

上次去SUKI 屋企BBQ 時, IRENE 老公邀請我地去佢屋企食養生家宴,
終於今日可以有機會去喇.

因為唔知買乜野上去IRENE 屋企,
而大家又記得佢老公話鍾意飲啤酒,
所以我地係SUPERMARKET 買左D 啤酒同埋西瓜上去

謝謝IRENE 老公為我地準備左好多野食, 正呀!!

 

更加估唔到佢兩位為我地幾位媽媽準備左禮物, SO SWEET~~

仲識左一位兒科醫生, 真係好好. 

美味的一晚, 滿足的一晚, 

各位媽媽, 我地要為BB 加油呀!!

  

STORY WORKSHOP 揀相

35W5D

我對STORY WORKSHOP 影既相, 其實都有幾大期望.
可能因為我見到其他媽媽影過, 通通都好靚,
所以我先會俾錢AND 去影相.
(唯一可惜既係, 得自己去影, HACHI 爸無同我一齊去影)

咁啱, 今日媽媽ALICE 又要去揀相,
媽媽MANDY 又約左上去影相,
所以一次過見晒兩位媽媽.

60張揀25張, 其實都唔算太難揀,
唔係影得唔好, 而家好多POSE 都差不多, 所以易揀.
整體上, 我都好滿意D 相...
開心開心, 自己收埋做珍藏.. 嘻..

第八次政府產檢(WEEK 35) ﹣ 輕？

35W1D

尋日去左私家產檢，今日就去健康院。
今日健康院好少人，
我10點幾去到，等左半個鐘左右就有得摸肚見姑娘，好快。

我一心諗住今日係去驗B鏈，但係姑娘話要35﹣37週驗，
但係，係政府既RECORD，我既預產期比私家既預產期遲左2日，
所以我仲係34週，因此未做得。

激死....

不過，今次去健康院，體重重得比較少。
兩個星期前去係62KG, 今次係62.45KG，
姑娘話重得太少，要見醫生。
本來以為摸完肚見完姑娘就走得，點知要等醫生

等到差唔多就快到12點先見到醫生
醫生話太輕，唔係咁好，所以開左D維他命丸俾我食
即係我平時食開果隻
叫我落去藥房拎藥

去到藥房，人多到爆炸，
我拎住張211號籌，但係拎藥既NUMBER 係140號.
><
我等左大半個鐘先拎到藥走得。

原本10點半去到，以為11點15可以走得
點知最後差不多1點先走得。
真係人都顛呀！！！

第八次私家產檢(WEEK 35) ﹣ 一切正常

35W0D

平時我一向都係約私家係星期六睇,
無錯, 會多D 大陸人, 但係HACHI 爸爸就可以唔使請假,
但係今次睇唔到星期六,
所以我變左星期四去睇醫生。

上次去睇醫生，DR WONG 話HACHI係大頭CHI，
佢個頭大左兩個幾星期，
今次睇既時候再度，
起初度到個頭係38W （噢，係大左3個星期）
佢見我個樣好驚， 佢好仔細再度第二次， 頭既SIZE 係36W
哈哈，原來36W 同38W，其實都係差唔多。
之後再度肚，又係36W， 腳仔都係36W
好野，HACHI 變番一個正常CHI 喇。

依幾日，我覺得HACHI 好似低左少少，
去睇醫生時，醫生話應該唔係低左，
照過超聲波都無問題。

佢話佢由11號開始放LEAVE，放到22號，
希望HACHI 可以等到醫生返黎先喇
不過TOUCHWOOD 有咩事既話，
都可以先去法國醫生，會有兩個醫生STANDBY幫忙

醫生約我23號返去最後一次檢查，
然後30號就開刀。
HACHI，乖乖地，30號先出世，記住等埋醫生返黎開刀呀！！！

WEEK 35 - 買鏡頭又買袋

Week 35 Reflexes are coordinated

Your baby's the size of a coconut!

• Your baby is now about 18.5 inches in length and weighs over 5.5 pounds. 
• Baby is about 47cm crown to heel and weighs almost 2.7 Kg. 
• The body of your baby is growing round due to developing fat layers. 
• Your baby's reflexes are coordinated.
•  Lungs are almost fully developed. 
• About 90% of babies born this week survive

http://www.baby2see.com/development/week35.html 

「7月馬B谷」八度海逸HIGH TEA

34W3D

其實我很喜歡食HIGH TEA ,
只是HACHI 爸爸唔太喜歡.
適逢今次馬B谷去食HIGH TEA,
仲要係八度海逸咁近,
我當然喜歡喇.

八度而家做緊芒果主題,
一人一個SET, 每位$138 + 10%
HSBC CARD 仲有85折,
其實真係幾好架.
只係大家都係準媽媽, 去食芒果好似唔係咁好,
不過我見大家都好似無乜所謂, 所以, 我都係照去.



8度既CAFE 係地下大堂, 3點開始TEA SET,
我地2點55分就係門口等入去LU

 

 

其實芒果應該唔算好多, 但係差不多每個ITEMS 都有, 幾開心!!

可能今日係6月1日公假, 所以少左好多媽媽出黎, 

又可能係因為芒果主題, 吸引唔到太多既媽媽. 

不過點都好, 今日真係好開心, 

雞啄唔斷咁.. 

我地下次再見, 應該就係大家既B 出世後架喇, 

希望到時大家都KEEP 到CONTACT LA