第三次政府產檢(WEEK 13) - 等到發霉見醫生

13W5D

本來預約時間係3:00,
但因為唔想成日請假,
所以等到放工3:00先出發去聯合,
結果遲左15分鐘到.

我一直都以為, 反正都要等個幾兩個鐘,
遲少少去無所謂喇,
原來唔係架, 遲到就會放係最後,
除左磅重, 量血壓外,
我等到差唔多5:00 左右先見到姑娘,
真係... 等到痴左線.




入房見姑娘, 問左幾句野, 就叫我訓上床等,
我一心以為, 又可以見到HACHI,
原來我真係太天真,
無超聲波,
只係聽下心跳而己.

姑娘話, 上次做OSCAR 唔算係高風險,
然後問我有咩問題 (我又問唔出),
之後就出去排期落健康院.

其實我唔係咁想落健康院, 我想留係聯合多D,
人地話健康院好HEA,
雖然我覺得聯合都係不相伯仲,
但話晒都係醫院, 點都會好D 卦.

不過都唔由得我揀, 我只可以揀, 去LAM TIN 定係牛頭角.
諗左一陣, 覺得好似牛頭角近少少, 所以都係決定去牛頭角喇.

姑娘俾左一個公文袋俾我, 係拎去健康院,
我當然拆開佢喇,
哈哈, 發現到自己既檢血報告,
COPY 底, 希望第時有用.
然後封番口, 遲D 拎去健康院.

BYE BYE LA 聯合, 到我24W 抽血果時先返上黎喇...