之前巫醫生同埋6E丈都話最好11W1D - 13W6D之內去做OSCAR,
咁啱又撞正紅日, 聯合話最快都只能夠就到13W4D 依個期俾我.
去到聯合, 又係先磅重同埋量血壓, 然後就等做OSCAR喇,
等左大約1個鐘, 入去睇醫生喇,
醫生叫我訓上床度, 先用照聲波照下HACHI ,
哎呀, HACHI 真係好可愛, 個頭係度郁黎郁去, LOVELY~~
然後就開始度下頸皮.
我上網見到人地話可以問下醫生, 睇下知唔知係仔定女,
我就多口問左句,
點知醫生話, 「咁細粒, 睇唔到架」
唔緊要, 我都唔失望既, 下次去番私家果度就知架喇.
醫生度完之後, 無出聲, 就出左去,
姑娘叫我抹乾淨, 就可以起身.
我見到醫生既時候, 問醫生係咪OK
醫生話「睇落好似無問題, 不過你都係等報告喇」
嘩, 乜原來D醫生, 咁COOL 既.
探完HACHI 後, 就要去抽血.
我上網睇, 見到好多媽媽都話, 係醫生抽血, 搞到隻手瘀晒.
但係我係聯合抽咁多次血, 我都覺得無問題,
完全唔痛, 手勢唔錯呀.
我偷影左張FORM
(其實唔可以叫偷影, 明明D 資料係我架嘛, 我當然可以知道喇)
NT (best measurement) = 1.7mm 即係細個 3.5mm 喇,
好野, 唔係high risk ,
放心晒...
參考網頁:
No comments:
Post a Comment