第一次政府產檢(WEEK 9) - 第一次去聯合

9W5D

當我一驗到有HACHI B 既時候, 就己經走去聯合排期.
朋友話早D排, 可以排到個早期OSCAR,
如果唔係得中期OSCAR, 就唔係咁準.

5W, 去左聯合婦產科,
交左驗孕証明, HACHI 爸身份証副本, 住址証明,
然後就排到9W 依個期喇.




第一次到政府醫生產檢, 下午兩點左右去到,
就入大房量高, 磅重, 量血壓, 驗小便.
然後就安排入另一間房填問卷, 睇VIDEO.
我好乖咁乜都睇晒, 乜都填晒
(事後有朋友同我講, 應該填屋企人有糖尿,
咁就會有一次糖水期,因為我無填, 所以乜期都無)

填完所有野, 係大堂等叫名,
然後就入房見姑娘,
姑娘一見到我, 就俾好多資料俾我,
叫我返屋企慢慢睇.
然後就上床等檢查.

我仲以為可以照超聲波,
太天真了, 原來只係用部機, 幫我搵HACHI 既心跳聲出黎.
嘩,
HACHI 跳得好快, 差不多每分鐘有130幾下,
姑娘話正常喎, 我梗係信佢喇.

然後姑娘話, 我唔係高齡產婦, 所以自己要去私家照結構,
醫院只會PROVIDE 到OSCAR 既期俾我.
係依個時候, 我就拎左巫醫生俾我紙醫生紙.
因為我排卵唔準, 唔可以最後M黎既日子去計預產期,
所以巫醫生用超聲波推斷個預產期出黎,
希望可以排到一個靚D 既時候做OSCAR,
如果唔係OVER 左13W先做OSCAR, 就無意思喇.

幸好, 姑娘都明白,
不過稍為靚D 既時間, 原來係撞左CHRISTMAS 果D 紅日,
所以最快都只能12月30日去照OSCAR.

真係好, 12月尾又可以見到HACHI 喇... 嘻