第一次私家產檢 (WEEK 8) - 巫醫生唔得閒

8W4D

之前一直都有搵巫少慈醫生做婦科檢查,
我都知道佢好難先BOOK到, 好FULL的,
所以一知有左HACHI, 我就即刻打電話去約期.
果然真係好FULL, 要約三個星期先至有位.

因為HACHI 太細粒, 照完出黎我都唔知係乜野,
醫生同我講, 依個就係BB 喇,
我望住佢, 淨係識得傻笑.
之後就再話我知, 量到BB既心跳, 一切正常.
我上網睇, 人地成日都話照閃閃,
但係我都見唔到邊度有野閃既,
ANYWAY, HACHI 一切安好, 就可以了.

巫醫生影左好多張相, 依張係最似一個BB 樣既,
個頭向上, 然後有四肢伸出黎,
睇落都真係有D 可愛.
嘻..

巫醫生照完之後, 話可能我既排卵期唔準,
所以預產期唔可以照最後黎M 果日計,
如果唔係, 就會早左個幾兩個星期.
如果跟超聲波黎計既話,
CRL 1.64CM, 預產期應該係7月12日

照完超聲波之後, 我就問下巫醫生關於開刀既問題,
未有HACHI 前, 我已經一心諗住要開刀 (唉, 我怕痛),
同埋諗住係法國醫院開刀,
想睇下巫醫生大約收幾多錢.

點知...

點知巫醫生同我講,
佢14年既6月26日開始放大假,
到去7月6日先返黎香港,
佢無理由SUGGEST 我早過26號開刀, 因為未夠38週,
又無理由等佢返黎先開刀,
所以...

佢話, 「今胎幫你唔到喇」

我, 突然, 唔知點算好!!!!!!!!!

我從來無諗過要轉醫生, 似乎而家真係要諗下喇.