BOOK 左今日10點探HACHI,
我諗住醫生10點半先返診所,
所以大約10點15先上到去診所,
我去到既時候, 已經有兩個人等緊.
醫生大約10點半返到黎,
我仲以為我BOOK係第一個, 就可以第一個入去睇,
原來唔係, BOOK 完之後, 仲要排隊架,
哎呀!! 下次我要準時到先得.
今日HACHI 爸可以陪我一齊去探HACHI,
究竟HACHI 係仔定係女呢?
醫生照緊果時, 突然講左句,
「嘩, 好明顯呀, 三間」
我諗緊都唔明, 三間, 即係仔定女呀? 又有幾明顯呀.
我望住HACHI 爸, HACHI 爸有D 苦笑,
我就問醫生, 「咁即係咩呀, 仔定女呀?」
可能係醫生既眼中, 係好明顯,
但係我眼中, 我真係唔識囉.
醫生見我都有D 迷惘,
就開估話我知,
「三間即係女呀」
哈哈, 最開心係HACHI爸,
雖然佢話仔女佢都鐘意, 但係我覺得爸爸係要想個女多D 既.
而我, 其實我都話仔女都無所謂,
但係我覺得如果個女似我既話, 唔係咁好囉,
我D 脾氣咁怪咁差對阿媽咁衰,
如果個女似我呀..... 大件事!!!
仲有仲有, 過年前買左條手鏈, 可以送俾HACHI 做嫁妝喇,
嘩卡卡, 我係咪諗得好遠呢?
黃醫生話, 下次就去做結構, 介紹我去中環搵個醫生做,
8個星期後先返黎覆診.
當我諗緊佢介紹邊個醫生俾我時,
我發現原來佢TRANSFER 我去林勇行醫生度做結構.
嘩, 之前我仲諗住BOOK定林醫生做結構,
而家唔使喇, 仲有姑娘幫我打電話約埋時間,
正正正!!!
HACHI 爸話, 聽見醫生講HACHI 一切正常,
仲開心過自已交到THESIS!! 哈哈, 好似好誇張, 但係又好真實!
P.S.
我上網睇番, 原來三間, 真叫做好明顯
No comments:
Post a Comment