第四次私家產檢(WEEK 21) - 照結構

21W1D

今日約左林勇行醫生4:00照結構.
因為HACHI 爸要黎我公司接我走, 然後返屋企泊低架車,
然後再坐MTR 去中環,
所以我地遲左, 差唔多5點先去到.

好彩, 唔使等好耐.

林醫生既醫務所, 原來好大,
有好多間房,
可能一D 房係用黎做普通產檢,
一D 係用黎照結構,
一D 係用黎婦科檢查,
我都唔係好識形容, 總之就好大喇.




上網睇過, 人地話林醫生好PRO,
只要佢講一句「無問題」, 就咩都唔使擔心架喇.

我訓係度, 等左一陣, 醫生就黎照結構喇.
林醫生好COOL, 佢講野好細聲
其實我懷疑佢唔係想講我知,
只係話俾姑娘知, 叫姑娘剔低已經CHECK左既ITEM

醫生由頭照落腳,
睇SIZE, 睇心跳, 睇心房, 數手指腳指, CHECK 手腳既長度等等
好仔細,
然後講左一句「女仔黎架, 你知架呵?」
點知佢講得太細聲, 我聽到佢話係「仔黎架」
嚇得我唔識俾反應.
好彩HACHI 爸搭左句咀, 話我地知道係女仔,
我先知我自已聽錯.

照到最後, 林醫生話, 一切正常.
仲影左一張4D 俾我地.

其實係黃醫生果邊係無得照4D,
不過我又覺得唔可惜,
我同HACHI 爸都覺得4D 唔靚, (簡直簡得上核突)
寧願HACHI 出世果時見佢真人好過.

不過HACHI 爸見到依張相之後,
就不停地講, 好似我.
哈哈, 係咩?
我點睇都唔係好似....

一切正常,
放心晒!!