第四次政府產檢(WEEK 18) - 牛頭角健康院

18W5D

約左9:45 到牛頭角健康院,
又要請半日假,
又要麻煩到D 同事幫我頂左D 工作.

今日係第一次去健康院,
係樓下有姐姐招我入雪印媽媽會,
正喎, 我都無入過雪印媽媽會,
仲有條紗巾送, 嘻, 唔錯唔錯.




上到去健康院,
首先要填FORM,
然後就派左一大袋書,
姑娘話要睇熟D 書喎.
我睇左兩眼, 就收埋左LU~

同係聯合要做既野差唔多,
填好FORM, 等叫名, 入房度高, 磅重, 量血壓, 驗小便,
之後就係大堂等叫名, 見姑娘.

我等了又等, 再等又等, 差不多過左一個鐘, 先叫我個名,
見到個姑娘, 姑娘叫我拎番本書出黎, 然後逐頁講解.
OH MY GOD,  姑娘, 其實我識字, 會自己睇,
只係我唔想睇之嘛.
姑娘大概同我講左5分鐘, 之後就話...
「好喇, 睇你個樣咁醒目, 你都係返屋企自己睇喇」
之後開張到診紙俾我, 就叫我出大堂等見醫生.

我以為見完姑娘就走得, 點知原來要見醫生.

我再等了又等, 再等再等, 又大概過左接近一個鐘先見到醫生.
其實我都唔係好明, 大堂又唔係好多人,
點解要等咁耐.......

入房見醫生, 個醫生好似好NICE,
佢問我有無FEEL 到HACHI 係肚內郁,
我完全感覺唔到,
姑娘就話係正常,
第一胎通常無咁早FEEL 到,
之後就幫我聽心跳, (我都知唔照超聲波架喇... 雖然我好想見HACHI)
醫生話, 一切正常, 六個星期後返黎再檢查, 咁就走得.

我前前後後加埋等左兩個鐘, 見姑娘用左5分鐘, 見醫生又用左5分鐘,
會唔會浪費時間左D 呢?

ANYWAY, 聽到醫生話HACHI一切正常,
其實我個心係開心既.