美素佳兒產前講座

27W3D

今天去左美素佳兒既講座, 係尖沙咀金域假日酒店搞, 個場又大又舒服, 正.
自從上次去左個廢TALK, 唔敢再叫HACHI 爸去,
今次見係大奶粉牌子搞既講座, 先試下再叫佢去.




今次講座既主題係, 懷孕媽媽及寶寶營養需知 以及育嬰技巧.
第一PART, 有位營養師出黎講解一下食乜好同埋唔好食乜.
基本上唔係一D 新既資訊, 但係佢講得幾風趣,
又解釋得唔錯.
我一直以來都好鐘意食海鮮,
不過因為有左HACHI 之後, 所以就戒晒.
我都明白, 其實係可以食既, 只要徹底煮熟就OK,
不過有多個營養師SUPPORT 我, 食得再放心D 啫.

仲有仲有, 個營養師話, 有好多陪月話要煲D 魚湯先可以上奶,
其實係無關係的,
只要飲水夠多, 就一定可以上到奶.
至於湯水, 只係入口容易一D.

真係搞笑.

第二PART , 有位姑娘出黎教大家點同BB 沖涼.
作為新手媽媽既我, 覺得非常有趣.
原來初生BB 沖涼好麻煩.
希望到時我會有心機沖喇.

另一種我好欣賞今次講座既野, 就係佢地既安排做得好好.
係BREAK 果時, 大會整左D 薑汁燉奶派發,
為左控制人流, 入場登記果時會派發唔同顏色既籌,
而拎甜品果時, 再按唔同顏色既籌, 分批出去拎.
幾好, 唔錯.

至於禮物方面, 其實最主要係送一個三角枕.
不過因為我屋企有一個, 而家我都用唔著,
所以唔拎喇.

其他禮物如下

整個講座, 感覺唔錯, 連HACHI 爸都話好.