雀巢講座

28W6D

濛濛細雨, 走去灣仔聽雀巢講座, 多謝HACHI 爸陪我一齊去聽. 

同早幾次聽TALK一樣, 我又出賣左自己既個人資料, 

為的是貪以下既東西. 

師奶仔, 就真係師奶仔, 貪小便宜哦. 

今日個TALK 既內容, 其實差不多與美素佳兒相同.

主要分兩個部份,

第一PART 係講生仔既過程. 

上次我聽過剖腹分娩, 果位蕭醫生講得好DETAILS, 

今次都有講剖腹分娩, 但係今次依位助產士無講得咁仔細, 

反而今次順產講得好仔細, 

仔細到我唔係好敢試順產, 

仔細到HACHI 不停係肚內郁黎郁去. 

哈哈, 唔知係因為我聽到有D 驚, 所以搞到HACHI 都驚.

HACHI 乖呀, 記住準時出世, 

醫生會幫媽媽開刀拎你出黎架喇. 

第二PART, 亦都係教點同BB 沖涼, 

可能上次美素佳兒果位都係助產士教沖涼, 

所以今次同上次, 其實大同小異. 

我問HACHI 爸悶唔悶, 

佢話, 都OK既. 

我就覺得, 其實睇多次都係一件好事. 

前後睇左兩次, 然後今個星期六去惠氏果個TALK 度拎個BB 公仔黎實習, 

應該會OK既. 

完場既時候拎禮物, 

今次既禮物, 唔知叫唔叫豐富, 

有兩包NB 既紙尿片, 

不過另外果D , 學習杯呀, 米糊, 果蓉就要6個月先用得, 

實在未適合HACHI 用. 

朋友話, 雀巢講座有D悶, 我又覺得OK 呀.

只係佢唔係酒店搞, 感覺無咁PRO . 

個講者有踏實D, 無咁多GAG 位, 

但整體算係實用既講座.