「7月馬B谷」媽媽第一次GATHERING

24W2D

知道有左HACHI 無耐，我就係BK搵7月媽媽會。
然後見到有人話開FB谷就JOIN左。
始終都係新手媽媽，JOIN 多一兩個谷，學多D野都係一件好事。

大概12月左右，有位媽媽為大家開左一個WS 谷，
本來我無打算JOIN，因為好似俾個電話俾人好似唔係咁好，
但最後都係JOIN左。

係個谷內，其實成日都追唔切D MSG，
有時返工開黎睇左兩眼，放工就有幾百幾未READ 既MSG
真係好誇張。
不過我又唔知點解自己會好心機睇晒D MSG。

其實我好開心JOIN 左馬B谷，因為真係學左好多野。
例如買咩牌子既奶樽會好D，買咩牌子既蒸奶機又會好D，
有時有咩講座，都係靠谷內既媽媽分享資訊，我先報到果D講座。
雖然平時少出聲，但係我覺得自己受惠左好多。



過左孕吐期，谷內既媽媽都想搞個GATHERING，
我依個咁貪玩既HACHI 媽媽，梗係想出黎識新朋友喇。
本來搞左一次係3月8日既，但係果日落大雨，所以CANCEL左。
咁啱有位媽媽幫忙TAOBAO 買袋，要派袋，
所以搞左今日出黎GATHERING

第一次7月馬B谷GATHERING，
有15﹣16 位媽媽出黎，BOOK 左旺角CAFE一齊食野傾計。
其實大家互相唔認識，咁點可以相認到呢，
我地就係靠個肚去相認。
每位入黎既女孩子，如果係見肚既，就代表係我地果谷既人。
哈哈，依個相認方法都幾得意。

由3點幾食野傾計，去到5點幾。
真係幾好。
可惜只係坐係長枱，唔能夠個個都傾到計。

今日好開心，

期待下次既GATHERING。