第五次政府產檢(WEEK 25) - HEA 爆健康院

25W1D

今次約左10:30am 去健康院檢查.

健康院樓下, 有好幾間奶粉招人入媽媽會, 然後會送紗巾或者口水肩.
我依D 小師奶, 有著數梗係想要盡佢架喇,
所以, 其實我已經入左惠氏, 雪印同里雀巢媽媽會,
我都再填多一次FORM , 出賣自己既個人資料, 去拎D 著數.
哈哈哈哈哈.



去到健康院, 照舊係磅重, 量血壓, 驗小便,
然後就坐係大堂等叫名見姑娘.
經過上次係健康院既經驗,
我帶左一本小說去睇, 諗住可以打發時間.

估唔到今次等左20分鐘就可以見嬸嬸聽心跳,
再等15分鐘左右就見姑娘,
就可以BOOK 下次時間, 之後就得.
估唔到今次咁快.

不過老老實實, 去健康院真係有D HEA,
嬸嬸聽完心跳之後, 話無事, 就走得, 前後加埋唔使1分鐘.
見姑娘, 姑娘只係問我要唔要到診紙,
然後問我有無乜野特別問題
(我已經好努力地諗問題, 例如我話有抽筋, 佢話係正常,
我話要維他命丸, 佢話唔好食咁多維他命丸, 要係普通食物內吸收)
見我大約3-4分鐘, 之後又走得.

下, 咁快走得,
我仲以為可以見醫生,
原來只係第一次先見到醫生
之後果D 都只係見姑娘?

好彩而家都只係一個月去一次