樂天媽媽會 「 如何刺激大腦, 啟發你的寶寶潛能」講座

24W2D

自從上個星期去過利全講座,
簡直係有陰影,
所以令次無叫HACHI 爸去.

今日去左樂天媽媽會既一個講座. 

係朗豪酒店搞, 坐得幾舒服, 真係唔錯.

講座開始前就派禮物, 

嘻, 幾好呀, 不過D禮物無乜用,

無用既地步係, 我直情連相都無影... 哈哈

講座分兩PART, 

第一PART 係周小姐出黎講下點樣刺激BB既腦部發展, 

離不開都係講胎教, 而佢今日主要都係講用音樂胎教. 

佢講左一個MAIN POINT, 

俾D 咩音樂俾BB 聽, 其實都無乜所謂, 

最緊要係SOFT 既音樂, 同埋媽媽都要鐘意聽. 

哈哈, 其實我平時都無乜放音樂俾HACHI 聽架, 

不過聽完佢講之後, 得閒就放下D 音樂喇, 

同埋... 我唔係咁鐘意MOZART 果D, 

所以, 都係唔好逼自己, 逼HACHI 聽喇.

第二PART, 就係樂天派個人出黎SELL 奶粉. 

其實都係商業策略黎既, 

所以我聽左一陣, 就走左LU~~