31W3D
今個週末, 係會展同埋EXPO 都有BB 展,
因為星期五要返工, 星期六要去影大肚相, 星期日抽中左雅培講座,
所以本來無打算會去兩個BB 展,
諗下諗下, 不如抽個時間去會展,
上次2月荷花果個BB 展咁多野拎,
(無錯, 我係想拎野, 我係一個貪心的師奶仔)
今次應該都唔少既.
星期五, 媽媽谷內有D 媽媽去完會展,
覺得無乜野睇,
所以我打消左去會展既念頭.
星期六, 媽媽谷內有另一D 媽媽去完EXPO,
拎到好多野, 所以, 我就開始諗去EXPO 喇.
到左星期六晚, 我決定左JOIN 媽媽谷內幾位媽媽一齊出發去EXPO
無錯, 即係我放棄左雅培講座,
都有少少可惜架, 雅培講座送既禮物其實都唔錯架,
(聽說有位醫生講得仲好FUNNY 添)
到左星期日, 一朝早, 成個天都黑晒,
有D 媽媽話新界直情落雨落到倒水咁.
本來我打算坐巴士,
到最後都係決定去九龍站坐機場快線.
原來BB 展期間, 由九龍站去EXPO 會場,
來回加埋都只不過係$53,
嘩, 真係抵喎~
我就係咁獻上我第一次坐機場快線.
唔係誇張, 真係好快, 好方便, 全程都無濕身!!
一入到會場, 先去排左媽媽禮品包,
有尿片同埋媽媽奶粉送
不過因為我唔飲媽媽奶,
所以果個哥哥仔換左支醋俾我.
然後就不停去睇下邊度有著數.
有雀巢送既袋仔 (我好鐘意果個袋), 我填左兩次FORM, 拎左兩個.
又有惠氏既藻油丸同埋尿片墊, 我填左五次FORM, 拎左五樽8粒裝既藻油丸,
尿片墊因為送晒, 所以我只係拎左兩份.
有媽媽話, 有得即場照3D,
我地四個人就要先參加一D PROGRAMME,
然後先可以抽簽去照3D.
我地揀左聽BB 心跳.
係雅培COUNTER 度, 排隊入去聽心跳.
平時通常都係健康院聽,
今次係展覽廳聽心跳, 真係好開心.
最開心原來佢送左部機仔, 錄低HACHI 既心跳,
我可以拎番屋企俾HACHI 爸聽.
正.
就係依部喇.
我地聽完心跳, 去抽3D, 但係我同另一位媽媽都抽唔中,
結果我地去聽胎教音樂機, 希望有多D 抽獎機會.
好得意, COOL住係個肚度,
可能HACHI 幾ENJOY, 佢不停係咁郁,
HACHI 真係可愛..
聽完再去抽, 都抽唔中, 就算喇.
行多兩個圈, 我同另一位抽唔到3D 既媽媽去左食SUBWAY (超難食)
等埋另外兩個媽媽照完超聲波, 就一齊離開.
由朝早10點半到場, 到4點半先走,
行緊果時唔覺倦, 返到屋企就倦到痴左線
(最慘係俾HACHI 爸話, 出面倒水咁, 仲可以周圍走.... )
點都好, 係開心既一日!
No comments:
Post a Comment