HUGGIES BB 會 「準媽媽培育開心BB 全攻略產前講座」

32W2D

今朝去完產檢, 之後就去左油麻地聽HUGGIES 講座. 

聽人講, HUGGIES 既講座比較難抽, 

我第一次就抽中左, 都幾好運

(上次唔算抽唔中, 而係名額滿左我先發現有個講座)

今次既講座分左兩PART, 

第一PART 係講感覺統整, 

我覺得麻麻地, 

唔係內容麻麻, 而係我覺得個講者講野有D 誇張, 

唔係太鍾意. 

不過我都發現有樣特別野, 

佢話可以放BB 係塊大布裡面, 

然後同佢打千秋咁"FING"BB

我睇到有D 目定口呆, 

不過坐我隔離既媽媽話 (佢係678媽媽谷架), 

佢侄仔好鍾意咁玩喎.....

唔知等時我同HACHI 咁玩, 會唔會嚇親HACHI 呢~

第二PART 就係由姑娘好講尿布疹. 

其實我估大部份BB 都有E 個問題架喇. 

一日到黑俾濕左既尿片包住, 

唔紅都有假喇. 

不過佢提醒左我一樣野, 

就係要買無藥性尿疹膏, 每次換完片之後搽. 

之後陪月MAY E 話買凡士林, 

原來凡士林係石油產品, 用得多唔係咁好, 

聽落幾有道理, 

我都要搵下邊度買尿疹膏會平D 先. 

兩PART既既講座,
我覺得第2PART 資訊多D,
可惜HACHI 爸無黎, 如果唔係佢都收獲豐富.
今次既講座, 撞到幾位678媽媽谷既媽媽.
其實有時去聽講座, 除左去拎下禮物, 聽下資訊外,
撞下朋友都幾得意.

今次既禮物, 竟然有一包0號片片.
勁呀!!!!