唔知HACHI 爸爸會唔會覺得我聽得太多講座呢。
除左樂天果個講座無叫佢去，差不多個個講座都搵佢。
本來今次我都無叫佢去，但可能因為上星期六去唔成惠氏既講座
佢見我有D唔開心，所以今次佢就話陪我一齊去DR BROWN 既講座喇。
之前去過幾個講座，大概都講下嬰兒護理，
今次依個講座，就係講初生嬰兒常見既疾病。
可能我無乜concept，所以我覺得幾informative.
我無搵紙筆寫低，只係拎個概念。
大概知道咩叫做「黃膽」，原來BB出左世之外4﹣5日係最黃既，
如果退唔到黃就要拎BB去照燈。
又知道傷風感冒發燒係初生嬰兒頭三個月內，算係好COMMON 既現象
雖然如此，但我都好想HACHI 健健康康，
無咩多病痛，如果唔係我一定會好擔心架。
聽講座拎到D好informative 既東西，當然係好事喇。
另一樣開心既野，就係見到媽媽谷內認識的媽媽朋友。
今日就見到四位喇，哈哈，希望下次又有機會見到喇。
返到屋企，拆開禮物包，嘩，原來有好多禮物。
有奶樽（合理的，話晒都係奶樽講座嘛），有消毒液，有儲奶袋，有紙尿片，
真係好多野，心情大靚！
HACHI 爸爸話，其實我都係為左D禮物先會去。
嗯... 無可否認，我都係一個貪心既媽媽黎既..
No comments:
Post a Comment