33W1D
又係約左10點半，今日健康院唔知點解好多人，
我差唔多等到11點半先可以去到摸肚。
一如過往，姑娘摸過之後話正常，個頭向下
( 其實我都唔知佢憑乜咁講)
之後就再係大堂等見另一位姑娘。
其實我一D都唔鍾意健康院既姑娘，
一D禮貌都無，我唔識既野，我根係問架喇，佢地就好似不屑回答咁。
我問
我係私家醫生果度照超聲波，佢話我既胎水多，
但係就無同我講多幾多，我想問下可唔可以係度照超聲波CHECK
佢答
照唔照唔係我話事，要見醫生既。
( 好似唔係好想我見醫生咁 )
我話
咁我想見醫生
佢答
見醫生要等好耐架喎
我話
我等呀，無問題呀
佢答
你見到醫生，我都唔保証佢會寫紙俾你去聯合照超聲波既
.....
我都唔知個姑娘係咪收到醫生指引，叫佢唔好TRANSFER 咁多病人過去。
跟住我再問第二個問題
我問
最近我有時會流D 野出黎，我唔識得分係分泌物定係羊水
我想問下點分架
佢好大聲咁答
我都唔識分架，要拎去驗架，你而家係咪想驗呀？
我梗係答想喇，
咁就咁，佢就TRANSFER 左我去見醫生。
見到醫生，醫生幫我驗下果D係咪羊水，
拎個鴨咀夾，然後再抽D分泌物出黎，痛到我大叫，整左三次先抽到。
抽完之後，我打算坐度等佢問診，點知佢講左兩句野，
佢話如果無電話， 即係無事，然後就叫我出去排下次期。
我問佢， 私家照到多胎水，可唔可以去聯合照一照
點知佢答我，我既體重同埋肚圍都正常，所以唔使照....
嘩，醫生仲HEA 過個姑娘.....
唉，我本來仲對健康院有少少期待，而家簡直係完全失望！！
No comments:
Post a Comment